នៅថ្ងៃចន្ទ ៥រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១០ ខែមេសា ឆ្នាំ២០២៣, នៅបណ្ឌិត្យសភាភូមិន្ទយុត្តិធម៌កម្ពុជា មានការរៀបចំពិធីអបអរសាទរសង្ក្រានឆ្នាំថ្មី និងមានការលេងល្បែងប្រជាប្រិយប្រពៃណីខ្មែរ ព្រមទាំងមានការរៀបចំពិសារអាហារសាមគ្គី ដើម្បីអបអរសាទរបុណ្យចូលឆ្នាំថ្មីប្រពៃណីជាតិខ្មែរ ឆ្នាំថោះ បញ្ចស័ក ព.ស. ២៥៦៦។ ពិធីនេះត្រូវបានសហការរៀបចំឡើងដោយសិស្សចៅក្រម ជំនាន់ទី ១១, សិស្សចៅក្រមផ្ទៃក្នុង ជំនាន់ទី ២, សិស្សសារការី ជំនាន់ទី ៣, សិស្សអាជ្ញាសាលា ជំនាន់ទី ២ និងមន្ត្រីរាជការ នៃបណ្ឌិត្យសភាភូមិន្ទយុត្តិធម៌កម្ពុជា ប្រកបដោយបរិយាកាសស្និទ្ធស្នាល សាមគ្គីភាព ភាតរភាព និងសប្បាយរីករាយ។
សកម្មភាពបង្រៀនសិស្សអាជ្ញាសាលា ជំនាន់ទី ៣ នៃបណ្ឌិត្យសភាភូមិន្ទយុត្តិធម៌កម្ពុជា ដោយ ឯកឧត្តម មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្តសៀមរាប លើមុខវិជ្ជា«មន្រ្តីនគរបាលយុត្តិធម៌»
សាលាភូមិន្ទចៅក្រម និងព្រះរាជអាជ្ញា បានរៀបចំការប្រឡងត្រួតពិនិត្យចំណេះដឹងមុខវិជ្ជា “វិវាទក្រុមហ៊ុនពាណិជ្ជកម្ម និងយន្តការដោះស្រាយវិវាទក្រុមហ៊ុនពាណិជ្ជកម្ម” សម្រាប់សិស្សចៅក្រម និងសិស្សព្រះរាជអាជ្ញា ជំនាន់ទី១១ (ឯកទេសកម្ម ចៅក្រមអាសនៈ) នៃបណ្ឌិត្យសភាភូមិន្ទយុត្តិធម៌កម្ពុជា។
នៅថ្ងៃសុក្រ ១២កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមករា ឆ្នាំ២០២៥, សាលាភូមិន្ទចៅក្រម និងព្រះរាជអាជ្ញា បានរៀបចំការប្រឡងត្រួតពិនិត្យចំណេះដឹងមុខវិជ្ជា «វិធានអនុវត្តករណីបទល្មើសត្រួតគ្នា» សម្រាប់សិស្សចៅក្រម និងសិស្សព្រះរាជអាជ្ញា ជំនាន់ទី១១ (ឯកទេសកម្ម ចៅក្រមអាសនៈ) នៃបណ្ឌិត្យសភាភូមិន្ទយុត្តិធម៌កម្ពុជា។
សាលាភូមិន្ទចៅក្រម និងព្រះរាជអាជ្ញា បានរៀបចំការប្រឡងត្រួតពិនិត្យចំណេះដឹងមុខវិជ្ជា «នីតិវិធីលម្អិតនៃការចាត់ចែងរក្សាការពារ និងការចេញដីកាសម្រេច» សម្រាប់សិស្សចៅក្រម និងសិស្សព្រះរាជអាជ្ញា ជំនាន់ទី១១ (ឯកទេសកម្ម ចៅក្រមអាសនៈ) នៃបណ្ឌិត្យសភាភូមិន្ទយុត្តិធម៌កម្ពុជា
បណ្ឌិត្យសភាភូមិន្ទយុត្តិធម៌កម្ពុជា បានរៀបចំពិធីប្រគល់-ទទួលសៀវភៅដែលជាអំណោយរបស់ លោកជំទាវបណ្ឌិត BÉATRICE BALIVET សាស្ត្រាចារ្យ នៃសាកលវិទ្យាល័យលីយ៉ុង ៣ នៃសាធារណរដ្ឋបារាំង សម្រាប់ដាក់ប្រើប្រាស់នៅបណ្ណាល័យ នៃបណ្ឌិត្យសភាភូមិន្ទយុត្តិធម៌កម្ពុជា