សាលាភូមិន្ទក្រឡាបញ្ជី
សាលាភូមិន្ទក្រទ្បាបញ្ជី ត្រូវបានបង្កើតទ្បើង ដោយព្រះរាជក្រឹត្យលេខ នស/រកត/០១០៥/០១៩ ចុះថ្ងៃទី ២១ ខែ មករា ឆ្នាំ២០០៥។ សាលាភូមិន្ទក្រទ្បាបញ្ជី មានបេសកកម្មរៀបចំការបណ្តុះបណ្តាលក្រទ្បា បញ្ជីនិងក្រទ្បាបញ្ជីនាយក ។ ការប្រទ្បងប្រជែង លើកទី១ នឹងត្រូវរៀបចំទ្បើងក្នុងឆ្នាំ ២០០៨ នេះតទៅ។ កម្មវិធីបណ្តុះបណ្តាលបន្តដ៏សំខាន់មួយ សម្រាប់មន្ត្រីសុក្រឹតការក្រឡាបញ្ជីកំពុងបម្រើការ នៅតាមសាលាជម្រះក្តីបានត្រូវបញ្ចប់រួចទៅហើយ មានមន្ត្រីសុក្រឹតការក្រឡាបញ្ជី ចំនួន ៦៥៧ នាក់ ដែល កំពុងបម្រើការនៅតុលាការខេត្ត-ក្រុង តុលាការយោធា សាលាឧទ្ធរណ៍ និងតុលាការកំពូលបាន ទទួលការបណ្តុះបណ្តាល ដោយ រៀបចំជាវគ្គសិក្សាចំនួន ០៧ វគ្គ និងវគ្គប្រឡងសង្គ្រោះចំនួន ១ ។
ក្រទ្បាបញ្ជីនាយកនិងក្រទ្បាបញ្ជី អាចត្រូវបានចាត់តាំងឱ្យទៅបម្រើការនៅក្រសួងយុត្តិធម៌ ឬបង្រៀននៅសាលាភូមិន្ទក្រទ្បាបញ្ជី។
ការជ្រើសរើសនិងការបណ្តុះបណ្តាលក្រទ្បាបញ្ជីជាសមត្ថកិច្ចផ្តាច់មុខរបស់រាជបណ្ឌិតសភាវិជ្ជាជីវៈតុលាការ ។
ក្រទ្បាបញ្ជីគឺជាមន្ត្រីក្របខ័ណ្ឌ ខ នៃសេវាសាធារណៈយុត្តិធម៌ មាននាទីជាអ្នកធានា ជាអ្នកបច្ចេកទេសនៃនីតិវិធីនិងជាជំនួយការចៅក្រម ក្នុងកិច្ចការរបស់យុត្តាធិការ ស្របទៅតាមល័ក្ខខ័ណ្ឌ ដែលចែងដោយច្បាប់ ឬបទបញ្ជាជាធរមាន ។
ក្រទ្បាបញ្ជីត្រូវតែមាន ចំណេះដឹងពហុផ្នែកក្នុងវិស័យនីតិវិធី ហើយត្រូវមានសមត្ថភាពបំពេញមុខងារផ្សេងៗនៅ ការិយាល័យ ក្រទ្បាបញ្ជី ដូចជា សេវាកម្មរដ្ឋប្បវេណី សេវាកម្មសំរាប់ព្រះរាជអាជ្ញា សេវាកម្មសំរាប់ចៅក្រមស៊ើបសួរ សេវាកម្មព្រហ្មទណ្ឌ ។ ក្រទ្បាបញ្ជី អាចទទួលផងដែរនូវបន្ទុកកិច្ចការ រដ្ឋបាលនិងគណនេយ្យក្រោមការគ្រប់គ្រងរបស់ ក្រទ្បាបញ្ជីនាយក ។
ក្រទ្បាបញ្ជីត្រូវបានជ្រើសរើសតាមរយៈការប្រលងប្រជែង ក្នុងចំណោមនិស្សិត ឬក្នុងចំណោមមន្ត្រីរាជការ ។ ចំនួនកន្លែងផ្តល់ឱ្យក្នុងការប្រឡងប្រជែងមួយលើកៗត្រូវបានកំណត់ដោយ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីតាមសំណើរបស់ ក្រុមប្រឹក្សាភិបាល នៃរាជបណ្ឌិតសភាវិជ្ជាជីវៈតុលាការ ។
បែបបទ និងល័ក្ខខ័ណ្ឌ នៃការប្រឡងប្រជែងជ្រើសរើសសិស្សក្រឡាបញ្ជី ៖
- បេក្ខជនទាំងពីរភេទជាជនជាតិខ្មែរ ។ ចំពោះបេក្ខជនជានិស្សិត ត្រូវមានអាយុមិនលើសពី ៣០ ឆ្នាំ រីឯបេក្ខជន ជាមន្ត្រីរាជការ ត្រូវមានអាយុមិនលើសពី ៣៥ ឆ្នាំ គិតមកត្រឹមថ្ងៃប្រឡង ។
- ត្រូវមានសញ្ញាប័ត្រមធ្យមសិក្សាទុតិយភូមិ និងវិញ្ញាបនប័ត្ររដ្ឋបាលបញ្ជាក់ថា បានបញ្ចប់ការសិក្សាក្នុងឆ្នាំទី២ នៃមហាវិទ្យាល័យនីតិសាស្ត្រ ដោយជោគជ័យ ( BAC II + 2années en Droit ).
- ត្រូវមានព្រឹត្តិប័ត្រថ្កោលទោសបញ្ជាក់ថា មិនធ្លាប់ជាប់ទោសពីបទមជ្ឃឹម ឬបទឧក្រឹដ្ឋ (ចំពោះបេក្ខជនជាមន្ត្រីរាជការពុំចាំបាច់ឡើយ )
- ត្រូវមានកាយសម្បទាគ្រប់គ្រាន់ បញ្ជាក់ដោយនាយកដ្ឋានពេទ្យការងារ ។
- បែបបទនៃការប្រទ្បងប្រជែង ត្រូវបានកំណត់ដោយរាជបណ្ឌិតសភាវិជ្ជាជីវៈតុលាការ ដោយមានការចូលរួមពីក្រសួងយុត្តិធម៌ ។