រាជបណ្ឌិតសភាវិជ្ជាជីវៈតុលាការ

រាជបណ្ឌិតសភាវិជ្ជាជីវៈតុលាការ( រ.ប.វ.ត ) ត្រូវបានបង្កើតឡើងដោយព្រះរាជក្រឹត្យ លេខ នស/រកត/០១០៥​/០១៩ ចុះថ្ងៃទី ២១ ខែ មករា​ ឆ្នាំ ២០០៨ គឺជាគ្រឹះស្ថានសាធារណៈ រដ្ឋបាល ដែលមានស្វ័យភាពខាងរដ្ឋបាល និង​ ហិរញ្ញវត្ថុ។ រាជបណ្ឌិតសភាវិជ្ជាជីវៈតុលាការ មានផ្នែកបច្ចេកទេស​ស្ថិត​ក្រោម​អាណាព្យាបាល​របស់ទីស្តីការគណៈរដ្ឋមន្រ្តី និងផ្នែកហិរញ្ញវត្ថុ ស្ថិតនៅក្រោម​អាណាព្យាបាល​របស់​ក្រសួង​សេដ្ឋកិច្ច និងហិរញ្ញវត្ថុ។

បច្ចុប្បន្ននេះ រាជបណ្ឌិតសភាវិជ្ជាជីវៈតុលាការ មានរច​នាសម្ព័ន្ធដូចខាងក្រោម :

-អគ្គលេខាធិការដ្ឋាន

-សាលាភូមិន្ទចៅក្រម

-សាលាភូមិន្ទក្រឡាបញ្ជី

-សាលាភូមិន្ទអាជ្ញាសាលា

-សាលាភូមិន្ទសារការី។

ដោយឡែក មជ្ឈមណ្ឌលបណ្តុះបណ្តាលវិជ្ជាជីវៈមេធាវី (ម.ម.ប.វ) ដែលទើបបង្កើត ឡើងតាមអនុក្រឹត្យលេខ ១៣០ អនក្រ បក ចុះថ្ងៃទី ១១ ខែ កញ្ញា ឆ្នាំ ២០០៨ ត្រូវស្ថិតនៅ ក្រោមការគ្រប់គ្រង និងទទួល​ខុសត្រូវ​ផ្នែក​បច្ចេកទេស ដោយផ្ទាល់់ពីក្រុមប្រឹក្សាគណៈមេធាវី និងផ្នែករដ្ឋបាល​ដោយរាជបណ្ឌិតសភាវិជ្ជាជីវៈតុលាការ។

រាជបណ្ឌិតសភាវិជ្ជាជីវៈតុលាការ មានបេសកកម្មរៀបចំការប្រឡងប្រជែងជ្រើសរើស និងរៀបចំការ​បណ្តុះ​បណ្តាល​វិជ្ជាជីវៈ​ដំបូង​ដល់សិស្សចៅក្រម សិស្សក្រឡាបញ្ជី សិស្សអាជ្ញាសាលា និងសិស្សសារការី ដែល​បាន​ជ្រើសរើស​ថ្មី ព្រមទាំងទទួលបន្ទុកបណ្តុះបណ្តាលបន្ត និងធ្វើវិក្រឹតការជូនដល់ចៅក្រម ក្រឡាបញ្ជី អាជ្ញាសាលា និងសារការី ដែលកំពុងបំពេញ ការិយកម្ម។

ក្នុងគោលបំណងធ្វើអោយឆ្លើយតបទៅនឹងតម្រូវការចាំបាច់របស់វិស័យយុត្តិធម៌ និយាយជារួម និងនិយាយ​ដោយ​ឡែករបស់វិស័យតុលាការ​ រាជបណ្ឌិតសភាវិជ្ជាជិវៈតុលាការ ត្រូវតែធ្វើការប្រឡងជ្រើសរើស សិស្សចៅក្រម សិស្សក្រឡាបញ្ជី សិស្សអាជ្ញាសាលា និងសិស្សសារការី រួចធ្វើការបណ្តុះបណ្តាលអោយមានគុណភាពខ្ពស់។ តាមរយៈនេះ បានផ្តល់អោយរាជបណ្ឌិត សភាវិជ្ជាជីវៈតុលាការទទួលបាននូវតួនាទីដ៏សំខាន់ក្នុងការរួម​ចំណែក​ធ្វើ​កំណែ​ទម្រង់​ច្បាប់និងប្រព័ន្ធ យុត្តិធម៌។

រចនាសម្ព័ន្ធថ្នាក់ដឹកនាំ

ឯ.ឧ. ទេព ដារ៉ុង

ប្រធាន