នៅរសៀលថ្ងៃទី ១០ ខែ តុលា ឆ្នាំ ២០១៧, រាជបណ្ឌិតសភាវិជ្ជាជីវៈតុលាការ បានរៀបចំទទួលស្វាគមន៍ដំណើរទស្សនកិច្ចជាផ្លូវការរបស់ លោកជំទាវ Eva Binh Nguyen ឯកអគ្គរដ្ឋទូតបារាំងប្រចាំកម្ពុជា និងការធ្វើបឋកថាស្តីពី «កិច្ចសហប្រតិបត្តិការគតិយុត្ត និងយុត្តាធិការបារាំងនៅកម្ពុជា និងប្រព័ន្ធគតិយុត្តបារាំង» ដល់សិស្សសាលាភូមិន្ទក្រឡាបញ្ជី ជំនាន់ទី ៥ នៃរាជបណ្ឌិតសភាវិជ្ជាជីវៈតុលាការ។

នារសនៅព្រឹកថ្ងៃទី ៥ ខែ តុលា ឆ្នាំ ២០១៧, រាជបណ្ឌិតសភាវិជ្ជាជីវៈតុលាការបានរៀបចំពិធីជួបសំណេះសំណាលដល់មន្ត្រីជាប់កិច្ចសន្យារបស់តុលាការកំពូល ចំនួន ២០ នាក់ ដើម្បីមកបំពេញបែបបទ និងទទួលការណែនាំ មុននឹងទទួលការបណ្តុះបណ្តាលជាមួយសិស្សសាលាភូមិន្ទក្រឡាបញ្ជី ជំនាន់ទី ៥ ឆ្នាំសិក្សា ២០១៧-២០១៨ នៃរាជបណ្ឌិតសភាវិជ្ជាជីវ:តុលាការ។

នារសៀលថ្ងៃទី ២៩ ខែ កញ្ញា ឆ្នាំ ២០១៧, រាជបណ្ឌិតសភាវិជ្ជាជីវៈតុលាការ បានរៀបចំកិច្ចប្រជុំពិភាក្សាជាមួយ លោក Bruce Kelly ប្រធានកម្មវិធី AAPTIP និងក្រុមការងារអនុវត្តគម្រោង AAPTIP ព្រមទាំងក្រុមគ្រូបង្គោលព្រហ្មទណ្ឌ ជំនាញជួញដូរមនុស្សប្រចាំរាជបណ្ឌិតសភាវិជ្ជាជីវៈតុលាការ។ ការជួបប្រជុំនេះមានគោលបំណងពិនិត្យ និងពិភាក្សាអំពី ការធ្វើបច្ចុប្បន្នភាព, វឌ្ឍនភាព, បញ្ហាប្រឈម, ការចែករំលែកនូវបទពិសោធន៍ក្នុងការរអនុវត្តន៍ការងារកន្លងមក និងលើកផែនការសកម្មភាពសម្រាប់អនុវត្តបន្តនាពេលអនាគត។

នារសៀលថ្ងៃទី ២៨ ខែ តុលា ឆ្នាំ ២០១៧, រាជបណ្ឌិតសភាវិជ្ជាជីវៈតុលាការ​បានរៀបចំកិច្ចប្រជុំ​ក្រុមប្រឹក្សាភិបាលលើកទី ១៦ ដើម្បីត្រៀមលក្ខណៈសម្បត្តិក្នុងការរៀបចំបណ្តុះបណ្តាលវិជ្ជាជីវៈតុលាការក្រោមអធិបតីភាពដ៏ខ្ពង់ខ្ពស់របស់ ឯកឧត្តម អង្គ វង្ស វឌ្ឍានា រដ្ឋមន្ត្រីក្រសួងយុត្តិធម៌ ដោយមានការអញ្ជើញចូលរួមពី​សំណាក់ថ្នាក់ដឹកនាំនៃក្រសួងយុត្តិធម៌, ថ្នាក់ដឹកនាំរាជបណ្ឌិតសភាវិជ្ជាជីវៈតុលាការ, តំណាងក្រសួងសេដ្ឋកិច្ច និងហិរញ្ញវត្ថុ, តំណាងក្រសួងមុខងារសាធារណៈ និងតំណាងអង្គភាពប្រឆាំងអំពើពុករលួយ។ គោលបំណងនៃកិច្ចប្រជុំនេះ ដើម្បីពង្រឹងគុណភាព តម្លាភាព ប្រសិទ្ធភាព ក្នុងការរៀបចំការប្រឡងប្រជែងជ្រើសរើសសិស្សចៅក្រម ជំនាន់ទី ៨ និងសិស្សសារការី ជំនាន់ទី ២ ព្រមទាំងការបណ្តុះបណ្តាលសិស្សវិជ្ជាជីវ:តុលាការ នៅរាជបណ្ឌិតសភាវិជ្ជាជីវ:តុលាការ។